BMO: “Aşlıq koridorı kileşüeneñ däwamı bik möhim”

BMO Jeneva ofisınnan yasalğan yazmaça belderüdä kiçä Şveyśariyanıñ Jeneva şähärendä aşlıq koridorı kileşüeneñ ozınaytıluı belän bäyle bularaq BMO Säwdä häm üseş konferenśiyası (UNCTAD) Ğomum särkätibe Rebekka Grinspan belän BMO ğomum särkätibeneñ humanitar êşlärdän cawaplı urınbasarı häm aşığıç yärdäm koordinatorı Martin Griffithsnıñ Rusiyä tışqı êşlär ministrı urınbasarı Sergey Verşinin citäkçelegendäge yuğarı däräcäle wäkillek belän oçraşuı citkerelde.

Belderüdä oçraşunıñ 2022nçe yılnıñ 22nçe iyül’ könne qul quyılğan ike kileşüneñ ütälüenä yünältelüe, bu kileşülärneñ Rusiyä Federaśiyäse, Türkiyä, Ukraina häm BMO arasındağı "Qara diñgez aşlıq iniśiativası” häm kirtäsez azıq-tölek häm aşlama êksportın ciñeläytü öçen Rusiyä belän Berläşkän Millätlär Oyışması arasındağı memorandum buluı äytelde.

BMO Ğomum särkätibe Antonio Guterreşneñ BMOnıñ Qara diñgez aşlıq iniśiativası belän bergä Rusiyä azıq-tölek häm aşlama êksportın ciñeläytü tırışularına tulısınça tuğrı buluı iskärtelep uzıldı.

BMOnıñ Rusiyä tarafınnan yasalğan 18nçe martta betäçäk Aşlıq koridorı kileşüeneñ barı tik 60 köngä tağın ber tapqır ozınaytıluına qarşı çıqmawı turındağı açıqlawnıñ iğ’tibarğa alınuı citkerelgän belderüdä: "BMO Ğomum särkätibe Berläşkän Millätlär Oyışmasınıñ Qara diñgez aşlıq iniśiativasınıñ bötenlegen saqlaw häm daimilegen täêmin itü öçen mömkin bulğan böten närsäne başqaraçağın rasladı,” – dip äytelde.

Aşlıq koridorı kileşüeneñ 24 million tonna aşlıqnıñ êksportına mömkinlek birüenä basım yasalğan belderüdä: "Aşlıq koridorı kileşüeneñ däwamı global’ azıq-tölek qurqınıçsızlığı öçen bik möhim, çönki aşlıq häm aşlama bäyäläre belän faydalana alu mömkinlege suğıştan aldağı däräcägä töşmäde. Bu wazğıyät bigräk tä üsep kilüçe illärdä awırlıqlarğa säbäp bula,” – dip bäyäläw yasaldı.

2022nçe yılnıñ 22nçe iyül’ könne İstanbulda imzalanğan Aşlıq koridorı kileşüe 2022nçe yılnıñ 19nçı noyabrennän soñ 120 köngä ozınaytılğan ide.