NATO krizis belän idarä itü künegüläre ütkärelä

"NATO Krizisnı idarä itü künegüläre 2023" ittifaq qarşında strategik säyäsi häm xärbi däräcädä konsul’taśiya häm qarar qabul itü barışların sınap qaraw maqsatınnan çığıp 15nçe martqa qadär däwam itäçäk.

NATOdan yasalğan belderügä kürä, 1992nçe yıldan birle 23nçe tapqır oyıştırılğan künegülärdä berlektäş illär belän bergä Şveśiya häm Finlyandiya da qatnaşa. Künegülärdä NATO ştabındağı, strategik komandalıqlarda häm başqalalardağı grajdan (sivil) häm xärbi personal bulaçaq.

Nindi dä bulsa xärbi cibärü bulmayaçaq künegülär gibrid moxitta äzerlängän qatlawlı xärbi häm grajdan (sivil) sśenariyğa bireläçäk cawap räweşendä uza.

Finlyandiya häm Şveśiya monnan alda da xärbi künegülärgä quşılğan ide. Fäqät bıyıl ike ilneñ berençe tapqır yaña statusları bulğan “ittifaqqa quşılırğa çaqırılğan illär” bularaq qatnaşaçağı belderelde.

Künegülär waqıtında qayber Awrupa Berlege oyışmaları belän personal almaşuınıñ da bulaçağı iskärtelep uzıldı.