Bombalı höcümdä gubernator ğomeren yuğalta

Äfganstannıñ tön’yağındağı Bälex vilayätendä oyıştırılğan bombalı höcümdä gubernator Möxämmäd Davut Muzämmilneñ ğomere özelgän.

Bälex poliśiya bülege süzçese Möxämmäd Asıf Väziri äytüençä, höcüm vilayät’ idaräse binasında cirle wäqalätlelär qatnaşında uzğan cıyılış waqıtında yasala.

Höcümdä gubernator häm tınıç xalıqtan ike keşe ğomeren yuğalta.

Şahitlar vilayät’ idaräse binasına aşığıç yärdäm maşinaları cibärelüen häm tirä -yün’däge yullarnıñ xäräkät öçen yabıluın belderä.

Höcüm öçen cawaplılıqnı älegä berkem dä üz östenä almağan.