Bayden - Makron söyläşüe

Aq Yortnıñ yazma belderüendä äytelgänçä, Amerika Quşma Ştatları ilbaşı Djo Bayden Franśiya ilbaşı Êmmanuêl’ Makron belän telefonnan söyläşkän.

Alar Ukrainağa yärdämnärne däwam itterü häm Rusiyäneñ  agressivlığı öçen cawap birergä tiyeşlege turında süz alıp barğannar.

Belderüdä şulay uq Bayden häm Makronnıñ Hind -Tın okeanda AQŞ häm Franśiya arasındağı xezmättäşlek turında söyläşüe äytelä. Alar Qıtaynıñ qağıydälärgä nigezlängän xalıqara sistemağa kitergän qıyınlıqlar qısalarındağı urtaq tırışlıqlar xaqında da söyläşkännär.

Liderlar çista ênergiyägä küçüne tizlätüdä tığız xezmättäşlek başqaruğa da tuqtalğannar.