Pol’şa Rusiyädän neft’ alunı tuqtata
Pol’şa Baş ministrı Mateuş Moraveśkiy ileneñ Rusiyädän êşkärtelmägän neft’ importın mart ayında tuqtataçağın belderde
Varşava citäkçelege 2022nçe yılnıñ 24nçe fevral’ könne Rusiyäneñ Ukrainanı basıp aluı arqasında importnı beterüne östen kürde.
Moraveśkiy 2016nçı yıldan birle Rusiyädän neft’ importınıñ azayuın häm yıl başında 10%qa töşerelüen iskärtep uzdı.
Rusiyäneñ Ukrainağa qarşı açqan suğış arqasında "Rusiyäneñ uglerod yağulıqlarına qarata ğomumi êmbargonıñ töp başlatuçısınıñ Pol’şa buluın” citkerüçe Moraveśkiy (Morawiecki) Rusiyädän neft’ importınıñ martta bötenläy betäçägenä basım yasadı.
Pol’şanıñ iñ zur neft’ häm gaz şirkäte “PKN Orlen” 25nçe fevral’da Rusiyäneñ “Drujba” ütkärgeçennän Pol’şağa neft’ qudırıluın tuñdıruın iğ’lan itkän ide.
“PKN Orlen”kä kürä, Rusiyäneñ “Rosneft'” ênergetika şirkäte belän kileşü betkän fevral’ başınnan birle Rusiyä nefteneñ importı il ixtıyacınıñ barı tik 10% külämendä genä.
