Kongo demokratik cömhüriyätendä fetnäçelär tağın ber şähärne aldı

Kongo demokratik cömhüriyäteneñ könçığışındağı Tön’yaq-Kivu töbägendä urnaşqan şaxta şähäre Rubaya fetnäçelärneñ kontrolenä küçte.

Milli matbuğattağı xäbärlärgä qarağanda, strategik ähämiyätkä iyä älege cirlekne 2 kön däwam itkän bäreleşlärdän soñ “23nçe mart xäräkäte” törkeme qulına töşerde. Alar ilneñ könçığışında bik küp toraq punktnıñ kontrolen üzlärenä aldı. Fetnäçelär Rubayağa da kergännän soñ, iminlek köçläre töbäkne taşlap kitärgä mäcbür buldı.

Xäräkät äğ’zaları Kongo demokratik cömhüriyäteneñ könçığışına taba baruların däwam itä. 25nçe fevral’dä alar şulay uq strategik ähämiyätkä iyä Musxaki şähären alğan ide.

Fetnäçe “23nçe mart xäräkäte” 2021nçe yılnın noyabrendä höcümnären qabat başladı. Bu töbäktä yäşäwçe meñnärçä keşeneñ torğan cirlären taşlap kitüenä häm Ruanda belän Kongo demokratik cömhüriyäte arasında krizisqa säbäpçe buldı. Kongolular Ruandanı altın, kobal’t häm koltan şikelle minerallarğa bay cirlären basıp alırğa mataşuda häm ğıys’yançılarğa yärdäm itüdä ğayepli. Ruanda isä bu ğayepläwlärne kire qağa.