Greśiyädä streptokokk A bakteriyäsennän ülem terkälde

Greśiyädä täwge tapqır A törkeme streptokokk bakteriyäsennän ülem oçrağı terkälde. İlneñ cämäğat’çelek sälamätlege oyışmasınnan belderülärençä, 6 yäşendäge ber balanıñ septik şok säbäple ğomere özelgän. Anıñ qan analizında A törkeme streptokokk virusı tabıla.  

Belderüdä Angliyä häm başqa Awrupa illärendä soñğı waqıtta A törkeme streptokokk yoqtıru oçraqlarınıñ yış buluı äytelä. “Êpidemiologik kürsätkeçlär ildä cämğıyät’ sälamätlegendä borçu tudıruçı wäzğıyät’ barlığın kürsätmi” diyelä anda.    

Streptokokk A bakteriyäse, ğadättä, keşelärneñ tamağında häm tiresendä urnaşıp, qayçaq suıq tiyü häm tamaq şeşügä kiterüe belän bilgele.  Ul gäwdäneñ qayber urınnarında qızaru häm tire ênfekiyäsenä säbäpçe bula. Siräk oçraqlarda isä awır näticälärgä häm ülemnärgä kiterä ala.

Xastalıqqa säbäpçe bakteriyä töçkerü, yötkerü häm yaqın êlemtä aşa keşedän keşegä küçä.