Paqıstan-Äfğanstan çigendä bäreleşlär

Milli matbuğattağı xäbärlärgä kürä, Torkham çik buyı qapqasında Paqıstan häm Äfğanstan çik buyı berlekläre älegä bilgele bulmağan säbäp belän ber-berlärenä ut açqan. Waqıyğa arqasında ülüçe yäki yaralanuçı bulğanmı, yuqmı älegä bilgele tügel.

Şuşı waqıyğa “Taliban” waqıtlı xökümäteneñ çik aşa uzunı ber yaqlı bularaq yabuınnan soñ yäşände.

İsemen açıqlarğa telämägän Paqıstanlı räsmi ber zat Äfğanstanlı xastalarnıñ häm ozatıp yörüçelärneñ ğamäldäge säyäxät dokumentı bulmağanı öçen ilgä kertelmäwen häm “Taliban”nıñ da çik buyı qapqasın yabuın belderde.

İke ilneñ çik buyı köçläre arasında yış-yış bäreleşlär bula.

Çaman-Spin Boldak çik buyı qapqasında 2022nçe yılnıñ 11nçe häm 15nçe dekabr’ könnärendä 5 kön ara belän qanlı betkän bäreleşlär yäşängän ide.

Höcümnärdä kim digändä 8 keşe ülgän, 40 keşe yaralanğan ide.

Paqıstan-Äfğanstan çige 2 meñ 670 çaqrımnan tora häm ike il arasında 18 çik buyı kiçüe bar.

Çaman häm Torkham - iñ küp qullanılğan çik buyı qapqaları.