BMOdan Türkiyä häm Süriyä öçen yärdäm çaqıruı

BMO Ğomum särkätibe süzçese Stefan Dyujarrik köndälek matbuğat brifingında yasağan belderüendä, kiçä Hataynıñ Däfnä ilçäsendä (rayonında) barlıqqa kilgän 6,4 zurlığındağı cirteträwgä dä tuqtalıp uzıp, monıñ töbäktäge risklarnıñ zur buluına işarät itüen belderde.

Dujarrik: "Süriyägä häm Türkiyägä yärdämnär belän bäyle bularaq bik qanäğät buluıbıznı äytü awır, çönki tağın da tizräk, tağın da kübräk aqçağa ixtıyacıbız bar,” – dip bäyäläw yasadı.

Öleşen kertkän illärgä räxmätlären belderüçe Dujarrik keşe ğomereneñ risk astında buluın, şuna kürä yärdämnärneñ tizlätelüeneñ zarurlığına basım yasadı.

Dujarrik cirlektäge BMO personalı sanınıñ da artuın, personalnıñ kübräk koordinaśiya rölen üz östenä aluın belderde.

BMO 14nçe fevral’dä Süriyädäge cirteträwdän zıyan kürüçelär öçen 397,6 million dollar humanitar yärdäm çaqıruın yasağan ide. Ber ük waqıtta Berläşkän Millätlär Oyışması 9nçı-16nçı fevral’ könnärendä 143 humanitar yärdäm yök maşinasınıñ Babülhava häm Babüssälamä çik buyı qapqalarınnan ilgä kerüen citkergän ide.

BMO Ğomum särkätibe Antonio Guterreş 16nçı fevral’dä isä: "Bügen Berläşkän Millätlär Oyışması ğasırnıñ iñ zur zilziläse teträtkän törek xalqı öçen 1 milliard dollarlıq humanitar yärdäm çaqıruın başlata,” – dip iğ’lan itkän ide.

BMO 77nçe Ğomum şura başlığı Csaba Körösi isä, Kahramanmaraş êpiśentrlı cirteträwlärdän yaqınça 9 million keşeneñ täêsirlänüenä iğ’tibarnı yünältep, Türkiyä häm Süriyä belän teläktäşlek kürsätüläre öçen böten äğ’za illärgä çaqıru yasağan ide.