Bayden Kievka syurpriz säfär yasıy

Ukraina İlbaşı Volodimir Zelenskiy belän oçraşqan Bayden Kievtan yasağan berençe belderüendä:

“Dön’ya Rusiyäneñ Ukrainadağı qırıs yawınıñ berençe yıllığına kerergä äzerlängän çaqta bügen Däwlät başlığı Zelenskiy belän küreşü häm Ukrainanıñ demokratiyasına, suverenlığına häm cir bötenlegenä tuğrılığıbıznı yañadan kürsätü öçen min Kievta.

(Rusiyä İlbaşı Vladimir) Putin ber yıl êlek diyärlek basıp alunı başlatqan çaqta Ukraina köçsez ide häm Könbatış bülengän wazğıyättä ide. Bezne ciñä alaçağın uyladı, ämma tulısınça xaqsız ide.

Bügen Kievta Zelenskiy häm törkeme belän Ukrainağa yärdämebez turında kiñ qırlı söyläşü ütkäräm. Ukraina xalqınıñ hawa bombalawınnan saqlanuına yärdäm itü öçen artilleriya qoralları, anti-bron’ sistemaları häm hawa küzätü radarları belän bergä kritik cihazlarnıñ başqa ber tapşıruın iğ’lan itäçäkmen," – dip äytte.

Ukraina İlbaşı, Zelenskiy dä “Telegram” akkauntında Bayden belän oçraşuınıñ fotosürätlären urnaştırdu häm: “Säfäregez – ukrainalılarnıñ bötenese öçen bik möhim yaqlaw simvolı,” – dip belderde.