Rusiyädä alınma süzlär qullanunı çiklilär

Rusiyädä däwlät Duması alınma süzlärne qullanunı çiklägän qanun qabul itte.

Dumada uzğan utırışta Rusiyäneñ däwlät häm şäxsi tarmaqlarında rus ädäbi tele normaların ütäw turındağı qarar qabul itelde.

Älege qarar nigezendä däwlätneñ barlıq däräcälärendä häm şäxsi tarmaqlarda alınma süzlärne qullanu tıyıla.

Rus telendä ğomumi qullanılışta tiñdäşe bulmağan häm alarnıñ isemlege normativ süzleklärdä urın alğan alınma süzlär genä iskärmä bulıp tora.

Monnan tış rus ädäbi tele normalarına turı kilmägän gäp (sleng) süzlärne qullanu da tıyılğan.