Guterreş : "Çorıbıznıñ iñ zur tabiğat’ afätlärennän berse"
Berläşkän Millätlär Oyışması Ğomum särkätibe Antonio Guterreş “ğasırnıñ fäläqäte” bularaq bäyälängän 6nçı fevral’däge Kahramanmaraş êpiśentrlı 7,7 häm 7,6 zurlığındağı cirteträwlär öçen: “Çorıbıznıñ iñ zur tabiğat’ afätlärennän berse” dip äytte
Amerika Quşma Ştatlarınıñ N’yu-York ştatındağı BMO ğomum üzägendä matbuğat wäkillärenä bäyäläwlär yasawçı Guterreş: “Bik küp keşeneñ ğomereneñ özelüenä bez bik qayğırabız häm faciğale näticä arta bara. Meñnärçä bina cimerelgän. Distälärçä meñ keşe salqın qış şartlarına duçar bulğan. Mäktäplär häm xastaxanälär cimerelgän. Balalar daimi travma kiçerä,” – dip äytte.
"Çorıbıznıñ iñ zur tabiğat’ afätlärennän berse” bularaq bäyälägän cirteträwlär yul açqan cimerelüneñ häm humanitar krizisnıñ ülçämen äle tulısınça kürä almawların belderüçe Guterreş BMOnıñ Süriyäneñ çikar’yağı yärdämnäre qısalarında cirteträwlärdän soñ berençe yärdäm konvoyınıñ kiçä irtänge säğätlärdä Babül hawa çik buyı qapqasınnan Süriyägä barıp citüenä, läkin tağın da kübräk yärdämgä ixtıyac buluına basım yasadı.
Guterreş xäzerge waqıtta humanitar krizis yäşängän tön’yaq-könbatış Süriyäneñ zilzilä fäläqäte belän tetränüennän soñ “keşelärneñ ber-ber artlı qotıçqıç awır kiçereşlärne” yäşäwen äytte.
BMO Ğomum särkätibe Türkiyäneñ 3 million 600 meñ Süriyäle qaçaqnı qabul itep un yıldan artıq “tiñsez yumartlıq” kürsätüen häm “ğasırnıñ fäläqäte”nnän soñ Berläşkän Millätlär Oyışmasınıñ törek xökümätenä “qulınnan kilgän härtörle yärdäm kürsätügä äzer buluın” bilgeläp uzdı.
Xalıqara cämäğätçelekne üz cirlärennän kitärgä mäcbür bulğan millionlağan qaçaqqa kürsätkän “yaqlawnı häm yumartlıqnı” Türkiyä belän Süriyä xalqına da kürsätergä çaqıruçı Guterreş: “Xäzer inde Türkiyä häm Süriyä xalqına yärdäm waqıtı,” – dide.
