Süriyägä aşığıç yärdäm kiräk

Berläşkän Millätlär oyışması ğomum särqatibeneñ Süriyä maxsus wäkile Geyr Pedersen Türkiyä häm Süriyädä bulğan cir teträwlärdä ğomere özelüçelär öçen qayğı urtaqlaşu teläklären citkerde. Ul yazmaça belderüendä qış urtasında ike ildä meñnärçä xatın-qız, bala häm qartlar zarar kürgän zilzilä kiterep çığarğan faciğale yuğaltular häm zur cimereklär öçen tirän ärnüen äytte.

“Cir teträwdän zarar kürüçelärneñ çın küñelemnän qayğısın urtaqlaşam,”-dide Pedersen häm bolardan kübeseneñ (Süriyädäge cir teträwdä ülüçelärneñ) bolay da yıllar buyı ğazap çigüen belderde.

Pedersen Süriyä xalqınıñ aşığıç räweştä xalıqara yärdämgä moxtac buluın belderde häm härkemne teläktäşlek kürsätergä çaqırdı.