Urman yanğınında ülüçelär sanı artqan

Çilinıñ üzäk häm kön’yaq öleşlärendäge urman yanğınnarında ğomerlären yuğaltqan keşelär sanı 13 kä citkän.

Milli afätlärne profilaktikalaw häm alar belän köräşü xezmäte direktorı Maurisio Tapia ”Qızğanıç, bez yanğınnarda 13 qorban buluın belderäbez. Biobio töbägendä 11 keşeneñ ğomere özelde. Boralaq qazasında 2 keşe hälaq buldı” dide.

Çili awıl xucalığı ministrı Êsteban Valensuêla urman yanğınnarı belän köräşüçe boralaqnıñ kilep töşüen citkerde.

İldä 50 dän artıq urman yanğınnarı däwam itä häm xazergä çaqlı 45 meñ gektardan artıq mäydan kölgä äwerelgän.

Yanğınnıñ toraq yortlarğa taralu qurqınıçın küzdä totıp meñlägän keşe êvakuaśiyälängän, yözdän artıq yort tulısınça yanğan.

Utnı sünderüdä ärmiya äğ’zaları da qatnaşa.

Kön’yaq töbäklärdä hawa temperaturası 40 gradusqa qadär kütärelgän.