Rusiya belän Ukraina arasında äsirlär almaşınğan

Rusiya saqlanu ministrlığı xäbär itkänçä, 63 xärbi Ukraina äsirlegennän azat itelgän.

Awır söyläşülär näticäsendä 63 ğaskäri Kiyev xakimiyäte kontrole astındağı cirlärdän Rusiya territoriyäsenä qaytqan.

Belderüdä äytelgänçä, xärbilärgä psixologik häm mediśina yärdäme kürsätelä, şulay uq tuğannarı belän êlemtägä kerü mömkinlege tudırılğan.

 Azat itelgän Rusiya xärbiläre törkeme sostavına “sizger kategoriya” zatları kertelgän. Alarnı almaşu Berläşkän Ğaräp Ämirlekläre citäkçelegeneñ aradaşçılığı yärdämendä mömkin bulğan.

Ukraina ilbaşı apparatı başlığı Andrey Yermak äytüençä, Rusiya belän äsir almaşu näticäsendä 116 ukrainalı xärbi azat itelgän.