Papa Franśisk Kön'yaq Sudanda
Katolik din äheleneñ tınıçlıqqa öndäwçe häm ildäge gumanitar krizislarğa iğ’tibar cälep itüçe söyläşülär ütkärüe kötelä
Vatikan däwlät başlığı häm katolik din ähele Papa Franśisk tınıçlıq urnaştıruğa yaqlaw kürsätü öçen Kön’yaq Sudanda.
Kongo Demokratik Cömhüriyätenä säfärennän soñ Kön’yaq Sudanğa kilgän Rim papası Franśisknı başqaladağı hawa mäydanında däwlät başlığı Sal’vatore Kiir Mayardit, başqa däwlät wäqalätleläre häm bik küp keşe qarşı aldı.
Papa Cubadağı ilbaşı sarayında däwlät başlığı Mayardit qatnaşındağı cıyılışta ildäge diplomatik häm ictimaği oyışma wäkilläre belän oçraştı.
Papanıñ açlıq häm bäreleşlär belän kön tärtibendä torğan dönyanıñ iñ yäş’ ile Kön’yaq Sudanda tınıçlıqqa öndäwçe häm ildäge gumanitar krizislarğa iğ’tibar cälep itüçe söyläşülär ütkärüe kötelä.
Papa Franśisk 3 könlek säfäre qısalarında räsmi zatlar, diplomatlar, çirkäw citäkçeläre häm yıllar däwamında zolım kürgän keşelär belän oçraşular ütkäräçäk.
Katolik din ähele Papa Franśisk Kongo häm Kön’yaq Sudanğa 2022 nçe yılnıñ iyülenä planlaştırğan säfären awıruı arqasında kiçektergän ide.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
