“Ukraina üzenä bireläçäk qorallar belän Rusiyä cirlärenä höcüm itmäyäçäk”
Ukraina saqlanu ministrı Oleksii Reznikov berlektäşlärneñ üzlärenä biräçäk qorallar belän Rusiyä cirlärenä höcüm itmäyäçäklären belderde
Ministr Reznikov başqala Kievta oyıştırılğan Ukraina-Awrupa Berlege komissiyası cıyılışında berlektäşlärneñ Ukraina armiyasına qoral yärdäme mäs’äläsen bäyäläde.
Reznikov “Patriot” häm “SAMP-T" sistemaları belän bergä yaña “IRIS-T" häm “NASAMS” cibärelüeneñ mömkin bulğan iñ qısqa waqıtta tämamlanuın teläwlären citkerde.
Ukrainanıñ ozın radiuslı raketalar belän Rusiyä cirlärenä höcüm itmäyäçäge garantiyasın birergä äzer buluın da belderüçe Reznikov: "300 çaqrımlıq yıraqlıqtan bärü forsatına iyä bulsaq, Rusiya armiyası saqlanunı oyıştıra almayaçaq häm kire çigenergä mäcbür bulaçaq. Ukraina qorallarığıznıñ Rusiyä cirlärendäge höcümnärdä qullanmayaçağın garantiyälärgä äzer. Waqıtlıça yawlap alınğan töbäktä citärle maqsat bar. Bez nişannarnı saylawnı urtaqlarıbız belän bergä koordinaśiyälärgä äzer,” – dip äytte.
