Awrupa Berlegennän Fälästingä - 199 million yevro

Awrupa Berlege Fälästin için 199 million yevro külämendä yärdäm paketı turında belderde. Älege nisbättän basıp alınğan Könbatış Yordan üzänlegendäge Ramallax şähärendä tantana oyıştırılğan. Bu xaqta Awrupa Berlegeneñ Fälästin ofisınnan xäbär itälär.

Tantanada Fälästin däwlät başlığı Mäxmüt Abbas, xökümät räise Möxämmät İstiyyä, finans ministrı Şükri Bäşşare häm Awrupa Berlege wäkilläre qatnaşa.

Belderüdä BMOnıñ fälästinle möhacirlärgä yärdäm agentlığına birelgän finans yärdämnärneñ dä 97 million yevroğa citüe äytelä. Şulay itep, 2022nçe yıl byudjetı assignaśiyäläre nigezendä, Awrupa Berlegeneñ Fälästin xalqına yärdämnäre 296 million yevroğa citüe assızıqlandı.

Awrupa Berlegeneñ Fälästindäge wäqalätlese Sven Kün fon Burgsdorf tantanadağı çığışında Fälästin mäs’äläsendä ike däwlätle çişeleşne yaqlawlarına basım yasadı. Ul berlekneñ Fälästin häm İzrail arasındağı kileşülärgä bäyle qalunı taläp itäçägen äytte. Wäqalätle zat iq’tisadi häm finans reformalar öçen dä êşçänleklärneñ däwam itäçägen belderde.

Fälästin räsmi mäğ’lümat agentlığı WAFAda urın alğan xäbärlärgä qarağanda, däwlät başlığı Mäxmüt Abbas ike däwlätle çişeleşkä säyäsi yärdäm häm xalıqara çaralarda Fälästin xalqına teläktäşlekläre öçen Awrupa Berlegenä räxmät belderde.