“Qorallar qullanmıyça solıx tözegez!”
Germaniyäneñ Ukrainağa tanklar birü qararına xalıq qarşı çıqtı
Germaniyädä meñnärçä keşe Berlinnıñ Ukrainağa tank häm başqa qoral cibärü qararına protest belderde.
Êyke Burg - protestçı:
-Ber suğış ta Germaniya aşa ütmäskä tiyeş, qoral täêminatı da, başqa närsälär dä, çönki bolay bulğanda Germaniya qabat monıñ urtasında qalaçaq.
Protestçılar Ukrainağa awır qoral cibärüne tuqtatırğa çaqırdı häm töbäktä bäreleşneñ köçäyüenä borçıluların äytte. Bigräk tä, Ukrainadağı bäreleştän AQŞnı cawaplı tottılar.
Norbert - protestçı:
-İke yaq ta niçek bulsa da bu bäreleş öçen cawaplı, Putin häm Könbatış. Ukraina barı tik şaxmat taqtası häm andağı keşelär şaxmat figuraları yäsä peşka qorbannarı. Bu säyäsät digän iñ pıçraq êş.
Uzğan atnada Germaniya, Rusiyäneñ höcüme waqıtında, Ukrainağa 14 danä Leopard -2 tankı birü qararı çığardı häm başqa illärgä şunı uq êşläwläre öçen êtärgeç buldı. Germaniyäneñ ictimağıy televideniyese ARD ütkärgän ber soraştıru nemeślarnıñ 43%ınıñ Ukrainağa awır suğış tankları cibärüen yaqlawın häm 43%ınıñ da xäräkätkä qarşı buluın kürsätte.
