Nigeriyädä Lassa bizgäge tarala
Oçraqlar artu arqasında ğadättän tış xäl iğ’lan itelgän
1941248
Nigeriyädä xaywannardan keşelärgä küçkän häm ülemgä kiterä alğan Lassa bizgäge arqasında ğadättän tış xäl iğ’lan itelgän.
Nigeriya awırularnı kontrol’dä totu üzäge direktorı tabib İfedayo Atedifa oçraqlarnıñ artuı arqasında ğadättän tış xäl iğ’lan itelüen häm êpidemiyägä qarşı êşçänleklär başlanuın beldergän.
İldä ğıynwar ayında 244 keşedä Lassa bizgäge açıqlanğan, alardan 37seneñ ğomere özelgän.
Nigeriya xakimiyäte awırunı däwalaw öçen 3 preparat bilgelänüen xäbär itkän.
Yıl sayın noyabr’ - may aylarında artqan Lassa bizgäge êpidemiyäsendä uzğan yıl 178 keşe ğomeren yuğaltqan, 989 oçraq terkälgän bulğan.
