İranda mäktäplärdä kümäk ağulanu

İrannıñ Kum şähärendäge uqu yortlarında yaqınça 2 ay êçendä bişençe tapqır kümäk ağulanu oçrağı buldı.

İlneñ däwlät telekanalı xäbärenä qarağanda, Belkis Burkay qızlar liśeyında bik küp uquçı älegä bilgesez säbäplär arqasında ağulandı. Alarda küñel bolğanu, baş awırtu häm ayaq-qullarnıñ oyuı şikelle simptomnar kürelä.

Ağulanğan 7 uquçı häm 1 uqıtuçını xastaxanä salalar.

Kum şähärendä monnan alda 30nçı noyabr’ häm 13nçe dekabr’dä Nur sänğat’ mäktäbendä, 28nçe häm 30nçı ğıynvarda Fatimiyä liśeyında kümäk ağulanu turında belderelgän ide.

Yarım räsmi iranlı uquçılar xäbär agentlığı İSNAnıñ bu tema belän bäyle yazmasında bolay diyelä: “Prokuratura tikşerüenä häm Kum deputatlarınıñ mäs’äläne kütärüenä qaramastan, älegä qadär yä wäqalätlelär berni belmi, yäisä mäs’äläneñ säbäben äytergä telämilär”.