Yaponiya häm NATO ike yaqlı mönäsäbätlärne nığıta

Kişida Tokioğa kilgän NATO Ğomum särkätibe Stoltenberg belän küreşte.

Oyıştırılğan urtaq matbuğat oçraşuında Kişida Awrupanıñ Hind-Tın okeanında arta barğan qatnaşuın qanäğätlelek belän qarşılawların äytte.

Oçraşu waqıtında Rusiyä-Ukraina krizisı, Tayvan’ buğazı, Könçığış Qıtay diñgeze, Kön’yaq Qıtay diñgeze häm Tön’yaq Koreya mäs’äläläreneñ quzğatıluın citkerüçe Baş ministr Kişida: "İrekle häm açıq xalıqara tärtipne saqlaw häm nığıtu öçen bergä êşläw êlekkegä qarağanda tağın da ähämiyätle,” – dip belderde.

Yaponiyanıñ 2022nçe yılnıñ dekabr’ ayında yañartqan milli iminlek strategiyasın NATO Ğomum särkätibenä añlatuın häm bu mäs’älädä yaqlaw kürülären iskärtep uzuçı Kişida Yaponiya-NATO mönäsäbätläreneñ nığıtıluında kileşülären añlattı.

Oçraşu turındağı urtaq açıqlawğa kürä, köç tigezlege häm artqan xalıqara köndäşlek şartlarında irekle häm açıq xalıqara tärtipneñ qurqınıç astında buluın bilgeläp uzuçı Kişida häm Stoltenberg Yaponiya-NATO mönäsäbätläreneñ köçäytelüe mäs’äläsendä kileşte.

Qıtay-Rusiyä arasında artqan xärbi êlemtälärgä qarata borçıluların telgä aluçı Kişida häm Stoltenberg: "Yaponiya tirä-yağında urtaq operaśiyälär häm künegülär belän bergä Rusiyäneñ Qıtay belän artqan xärbi xezmättäşlegen borçılıp qarşılıybız,” – dip bäyäläw yasaldı.

Kön’yaq Qıtay diñgeze töbägendäge xärbiläşterü êşçänlegen tänqıytläwçe ike citäkçe Qıtaynı ütä kürenmäwçänlekne, açıqlıqnı arttıru, xalıqara qoral kontrole häm atom-töş qorallarınıñ cäyılüen totqarlaw kebek mäs’älälärdä xezmättäşlek urnaştırırğa çaqırdı.

Tayvan’ buğazında tınıçlıqnı häm totrıqlılıqnı "xalıqara cämäğätçelekneñ iminlege belän mullığınıñ waz kiçelmäs êlementı” bularaq bäyäläwçe liderlar Tön’yaq Koreyanıñ atom-töş häm raketa qamilläşterü programmaların gäyıpläde.

Kişida belän Stoltenberg Tön’yaq Koreyanı Berläşkän Millätlär Oyışması İminlek şurası qararların ütärgä çaqırdı.