İntixar höcümendä ğomeren yuğaltuçılar sanı arta
Alarnıñ sanı 100 gä citkän, yaralanğan 225 keşe xastaxanälärdä däwalana
1940320
Kiçä Paqıstannıñ Xayber-Paxtunxva provinśiyäsendä mäçettä bulğan intixar höcümendä ğomeren yuğaltuçılar sanı 100gä citkän.
Höcümnän soñ başlanğan êzläw-qotqaru êşläre tögällängän.
Wäqalätlelär beldergänçä, intixar höcümendä ülüçelär sanı 100 gä citkän, yaralanğan 225 keşe xastaxanälärdä däwalana.
Peşavardağı xastaxanä süzçese Möxämmäd Asim bügen ğomeren yuğaltqan keşelärneñ kübeseneñ höcümdä qatı cäräxätlängän poliśiya xezmätkärläre buluın belderde.
Paqıstan prem’yer-ministrı Şaxbaz Şärif Twitterda yasağan belderüendä terrorçılarnıñ yawız êşläre belän xalıq arasında qurqu häm panika tudırırğa telägännären äytte häm barlıq säyäsi köçlärne säyäsätne çitkä quyıp Paqıstanğa qarşı köçlärgä qarşı berläşergä öndäde.
