Paqıstandağı höcümdä ülüçe sanı arttı

Paqıstanda mäçettä bulğan terrorçı höcümendä ülüçelär sanı 34kä citte. Alarnıñ kübese poliśiyä xezmätkäre.

Şartlawda 150dän artıq keşe yaralana. Wäqalätlelär alarnıñ 10sınıñ xäleneñ awır buluın belderde.

Milli matbuğattağı xäbärlärgä qarağanda, waqıyğa töşke namaz waqıtında bula. Ul çaqta mäçettä yaqınça 300 keşeneñ barlığın äytälär. Wäqalätlelär ülüçelärneñ sanı artaçağına borçıla.

Poliśiyä idaräse wäkile Möxämmät İcaz Xan şartlawdan soñ mäçetneñ tübäseneñ işelüen häm cimereklär astında qaluçılarnı qotqaru öçen êşçänleklärneñ däwam itüen söyläde.

Şartlawda, mäçettän tış, tirä-yün’däge bina häm maşinalarğa zıyan kilä.

Dawn gazetındağı xäbärgä qarağanda, höcüm öçen cawaplılıqnı Paqıstannıñ Talibanı (TTP) üz östenä alğan.

Xökümät räise Şaxbaz Şärif Twitterda yasağan belderüendä höcümne ğayepläde häm monıñ artında buluçılarğa qarşı kisken räweştä xäräkätkä küçäçäklären assızıqladı. Ul höcümnän soñ waqıyğa urını Peşaver şähärenä kitte, anda yaralılar yanına bardı häm iminlek xäle turında mäğ’lümat aldı.

Êlekkege xökümät räise İmran Xan da ğamälne terrorçı höcüme dip atadı häm ğayepläde.