Germaniyädä möhacir balalar yuqqa çığa

İldä xäzerge waqıtta 2009 möhacir baladan xäbär-xäter yuq

1929251
Germaniyädä möhacir balalar yuqqa çığa

Germaniyädä yuqqa çıqqan migrant balalar sanı iñ yuğarı däräcägä citte. Poliśiyädä terkälgän mäğ’lümatlarğa qarağanda, ildä xäzerge waqıtta 2009 möhacir baladan xäbär yuq.

Monnan aldağı yıllarda ata-anasız, xätta yannarında qarawçı bere bulmağan kileş Germaniyägä kilgän älege balalarnıñ qayda ikänlekläre, nişläwläre bilgele tügel.

Yuqqa çıqqan migrant balalarnıñ 95%ı 14-17 yäş’lärdä. 90%tan artığı ir bala.

Balalar kilgän illär isemlegendä Äfğanstan başta tora. Annan soñ Marokko, Aljir häm Süriyä sanalıp kitä.  

Belgeçlär fikerençä, möhacir balalarnıñ yuqqa çığuın çikläw öçen üz illärendä dä, kilgän cirlärendä dä terkäw sistemasın yaxşırtu zarur. Alarnıñ nigä yuğaluı häm nindi şartlarda yäşäwläre tağın da nıqraq tikşerelergä tiyeş. Yaxşı cihazlandırılğan yärdäm üzäkläreneñ dä çişeleş bula aluı belderelä.



Bäyläneşle xäbärlär