Äfganstanda naçar hawa torışı arqasında tuñıp ülüçelär artqan

Äfganstanda soñğı 3 atnada naçar hawa torışı arqasında tuñıp ülüçelär sanı 170 tän artqan.

İldäge hawa temperaturası başqala Qabulda tönlä -10 gradusqa, ä qayber töbäklärdä -30 gradusqa qadär töşkän.

Taliban waqıtlıça xökümäteneñ Tabiği afätlärdän cawaplı ministrlıq süzçese Şafiullah Raximi il külämendä kim digändä 170 keşeneñ tuñıp ülüen, iñ küp ülemneñ Gor, Badaxşan, Paktika häm Paktiya provinśiyälärendä  buluın beldergän.

Awır qıqşqı şartlar iq’tisadqa da tiskäre yoğıntı yasıy.

Taliban citäkçelegeneñ Awıl xucalığı, suğaru häm terlekçelek ministrlığı süzçese Mubaxiddin Mustain beldergänçä, 20 provinśiyädä 129 meñe sarıq häm käcä bulu bulu belän bergä yaqınça 260 meñ mögezle êre häm waq terlek hälaq bulğan.

Monnan tış salqın hawa torışındağı taläpne qanäğat’länderä almağanlıqtan, ildä êlektr birüdä dä özekleklär bar.

Xätta başqala Qabulğa da könenä maksimum 8-10 säğat’ êlektr birelä.