"Ukrainağa qoral, tank cibärü - Ukrainadağı bäreleşlärdä turıdan - turı qatnaşu ul"
Bu xaqta Dmitriy Peskov belderde
Rusiya Amerika Quşma Ştatları häm qayber Awrupa illäreneñ Ukrainağa qoral, şul isäptän tank, cibärüen Ukrainadağı bäreleşlärdä turıdan –turı qatnaşu dip bäyäläde.
Kreml’neñ matbuğat särqatibe Dmitriy Peskov Mäskäwdä jurnalistlarğa yasağan belderüendä qayber Könbatış illäreneñ, şul isäptän AQŞ häm Germaniyäneñ Ukrainağa tank cibärü qararına bäyä birde.
”Awrupa başqalaları häm Vaşingtonnan Ukrainağa törle qorallar, tanklar cibärü bu illärneñ Ukrainadağı bäreleşlärdä qatnaşuı digän süz tügel digän belderülär yasaldı. Bez monıñ belän kileşmibez” dide Peskov.
Dmitriy Peskov bilgeläp uzğança, bu räweşle qoral cibärü bäreleşlärdä turıdan –turı qatnaşunı añlata.
”İttifaq (NATO) häm yuğarıda telgä alınğan illärneñ ğamällären bäreleşlärdä turıdan – turı qatnaşu dip sanıybız. Monıñ artuın küräbez” dide Peskov.
AQŞ, Germaniya häm başqa qayber Awrupa illäre Ukrainağa tanklar cibärergä äzer buluların beldergännär ide.
