Uzğan yıl İspaniyägä qanunsız migraśiyädä 2 meñnän artıq keşeneñ ğomere özelgän

Uzğan yıl Tön’yaq Afrikadan İspaniya yarlarına taba diñgez aşa qanunsız migraśiyädä 2 meñ 390 keşeneñ ğomere özelgän.

Bu xaqta İspaniya ictimağıy oyışması “Kaminando Fronteras”nıñ Tön’yaq Afrikadan İspaniyägä qanunsız migraśiya xaqındağı xisabında äytelä.

Xisapta İspaniyägä legal’ bulmağan migraśiyädä iñ awır yünäleş itep kürsätelgän Atlantik okeandağı Kanar utrawlarında säyäxät waqıtında ğomerlären yuğaltqan möhacirlär sanı 1 meñ 784 bularaq terkälgän.

İctimağıy oyışma xisabında äytelgänçä, İspaniyägä yul totqanda naçar hawa torışı arqasında köymäläreneñ batuı, êçärgä häm aşarğa citmäw kebek säbäplärdän 2 meñ 390 tärtipsez migrantnıñ ğomere özelä. Alarnıñ 288e-xatın - qızlar, 101e - balalar.

Diñgezdä ğomerlären yuğaltqan qanunsız migrantlarnıñ 91,42%ınıñ mäyetläre tabılmağan, bu isä ğailälärgä xoquqıy häm psixologik näticäläre arqasında qotoçqıç yoğıntı yasıy.

Xisap bilgeläp uzğança, tärtipsez migrantlar İspaniyägä härwaqıt tağın da qatlawlıraq yullar aşa barıp citärgä tırışa.

İspaniyägä qanunsız migraśiyädä “qara yıl” itep kürsätelgän 2021 nçe yılda 4 meñ 639 keşe yaqtı dön’yadan kitkän.