Bötendön’ya sälamätlek saqlaw oyışması yärdämgä çaqırdı

Bötendön’ya sälamätlek saqlaw oyışması ğomum direktorı Tedros Adanom Gebreisus 2023 nçe yılda böten dön’yada aşığıç sälamätlek problemaları belän oçraşqan millionlağan keşelär öçen başlatılğan 2,54 milliard dollarlıq yärdämgä öleş kertergä çaqırdı.

Gebreisus 2023 nçe yılda kürelmägän krizislarğa şahit buluların, uzğan yıl belän çağıştırğanda gumanitar yärdämgä moxtac keşelär sanınıñ yaqınça 25%qa artuın  äytte.

Dön’yada küp krizislar barlığın belderüçe Gebreisus iñ küp zıyan kürgän keşelärneñ yaqlawçısız keşelär buluın citkerde.

“Global’ bularaq gumanitar ixtıyaclarnıñ 80%ı bäreleşlärdän kilep çığa. Buldırmıy qalu mömkin bulğan änilär häm balalar ülemnäreneñ yartısı zäğıyf’, bäreleşlärdän zıyan kürgän häm yawlawçısız töbäklärdä küzätelä. Bu aqçalar Bötendön’ya sälamätlek saqlaw oyışmasınıñ dön’ya külämendäge êşçänleklärenä yärdäm itäçäk”,- dide Tedros Adanom Gebreisus.

Gebreisus bilgeläp uzğança, problemalarnı kürmämeşkä sabışmasqa kiräk häm alar üzlegennän çişelmäyäçäk.

“Şuña kürä dön’yadağı iğanäçelärne Bötendön’ya sälamätlek saqlaw oyışmasınıñ 2,54 milliard dollarlıq aşığıç sälamätlek saqlaw çaqıruına yärdäm itärgä çaqırabız “dide ul.

Bötendön’ya sälamätlek saqlaw oyışması Paqıstandağı su basu fäläkäte, Afrikadağı azıq-tölek qurqınıçsızlığı, Ukrainadağı suğış, Yämän, Äfganstan, Süriyä, Efiopiyädäge bäreleşlär kebek ğadättän tış xällärgä yärdäm itärgä teli.

Şulay uq Kovid - 19, xolera, qızamıq häm başqa ülemgä kiterüçe êpidemiyälär Bötendön’ya sälamätlek saqlaw oyışması köräşkän krizislar arasında.