Yaponiya Ukrainanıñ burıçın kiçekterde

Yaponiyä Rusiyäneñ 24nçe fevral’dän birle baruçı höcümnäre säbäple iq’tisadi qıyınlıqlar kiçerüçe Ukrainanıñ 7,8 milliard iyen (60 million dollar) burıçın kiçekterergä buldı.

İlneñ tışqı êşlär ministrlığınnan belderülärençä, Ukraina finans ministrı Sergiy Marçenko belän Yaponiyäneñ Kiyevtağı ilçese Maśuda Kuninori älege mäs’älä xaqında söyläşte. Qarar nigezendä, 7,8 milliard iyen külämendäge burıç 2027nçe yılnıñ iyünennän başlap 10ğa bülenep tülänäçäk.

Xökümät Ukrainağa yärdäm nisbätennän G7 illäre häm xalıqara cämäğat’çelek belän xezmättäşlegen däwam itäçägen belderde.