Pfayzer Tön’yaq Koreyağa koronavirus vakśinası täq’dim itte

Amerikanıñ farmaśevtika şirkäte Pfayzer koronavirus vakśinasın Tön’yaq Koreyağa citeşterü bäyäsennän täq’dim itte.

NK Newsnıñ xäbärenä qarağanda, şirkät 45 az keremle ilgä tabış maqsatın quymıyça daru häm vakśina satu öçen oyıştırılğan “Tağın da sälamät dön’ya öçen kileşü” proyektın kiñäytte.

Älege kampaniyädän yaqınça 1,2 milliard keşeneñ faydalanacağı küzallana. Ul ximioterapiyä daruları häm törle antibiotiklarnı da kertep 500dän artıq tördäge preparatnı üz êçenä ala.

Belgeçlär Tön’yaq Koreyanıñ AstraZenekanıñ Kovid-19 vakşinasın il külämendä saqlaw häm taratu öçen kiräkle asqormağa iyä buluın, tik Pfayzer şikelle tağın da suıq saqlaw şartları sorawçı vakśinalarnıñ Pxen’yan idaräsen awırsındıraçağın uylıy.

Tön’yaq Koreya 2022nçe yılnıñ mayında aşığıç mediśina kiräk-yaraqları urlawçı yäisä qara bazarda satuçı keşelärneñ ülem cäzasına xökem iteläçägen beldergän ide. İl kizü waqıtında bik küp vakśina häm daru täq’dimen kire qaqtı.