Makronğa höcüm planlaştıruda ğayeplänüçelär sud’ya qarşına çıqqan
Monıñ belän bäyläneşle 13 keşene xökemgä tartu prośessı başlanğan
2018 nçe yılda Franśiya ilbaşı Êmmanuêl’ Makronğa höcüm planlaştıru häm tozaq qoruda ğayeplängän 13 keşene xökemgä tartu prośessı başlanğan.
Franśiya matbuğatındağı xäbärlärgä qarağanda, Les Barjol’s dip atalğan çiktän tış uñçı törkem belän bäyläneşetä bulğan 13 keşe, şul isäptän 2 xatın –qız, kiçä Parij cäza mäxkämäsendä sud’ya qarşına çıqqan.
Ğayeplänüçelärnen yäş’läre - 22 yäş’tän 66 yäş’kä qadär.
Alar 2018 nçe yılnıñ noyabrendä Makronğa Berençe bötendön’ya suğışına bağışlanğan iskä alu çarasında höcüm planlaştıruda, telefon aşa häm üzara oçraşularda tüntäreleş planı tözüdä, möhacirlärgä häm mäçetlärgä qarata qırıslıq waqıyğalarına äzerlänüdä ğayeplänä.
Ägär alar ğayeple dip tabılsa, 10 yılğa qadär irektän mäxrüm itelergä mömkin.
Däğ’wa fevral’gä qadär däwam itäçäk.
