Qıtayda xalıq sanı kimegän

Qıtayda xalıq sanı 1961 nçe yıldan birle berençe tapqır kimegän. Uzğan yıl ildä 850 meñ keşegä kimü küzätelgän.

Qıtay milli statistika byurosı ildäge xalıq sanın 1 milliard 411 million dip citkergän.

Tuu küläme meñ keşegä 6,77,ülem küläme meñ keşegä 7,37 bularaq bilgelängän. Xalıq sanı buyınça dön’yada berençe urında torğan Qıtay bu titulnı bıyıl yuğaltır dip kötelä.

Qıtayda ber bala çikläwe uzğan yıllarda beterelsä dä ğailälär bäyälär kütärelü, bar närsäneñ qıymmät buluı säbäple bala tabarğa telämilär.

Qıtay milli statistika byurosı mäğ’lümatları Qıtay iq’tisadınıñ dä kimüen kürsätä.

2022 nçe yılda il iq’tisadı 3%qa artqan. Üseş maqsatı isä  5,5% bulğan.

Qıtay iq’tisadı Kovid-19 êpidemiyäse başlanu belän 2020 nçe yılda 2,8%qa üskän ide.

Uzğan yıl ildä koronavirusqa qarşı köräş qısalarında tormışqa aşırılğan qatğıy çaralar iq’tisadi êşçänlekne tuqtattı diyärlek.