Belarus' belän Rusiyä urtaq künegülär ütkärä

Ministrlıqnıñ matbuğat xezmätennän yasalğan belderüdä Belarus' qorallı köçläre belän Rusiyä qorallı küätläreneñ urtaq regional’ köçeneñ aviaśiya berämlegeneñ urtaq oçış taktik künegüläreneñ bügen başlawı äytelde.

Rusiyä tarafınnan Aviaśiya häm ğaläm köçläre törkemeneñ künegülärdä qatnaşuı iskärtelep uzılğan belderüdä: "Künegülärneñ töp maqsatı – xärbi öyränü burıçınıñ urtaq başqarıluında operativ ahäñne täêmin itü,” – dip citkerelde.

Hawadan küzätü, çik buyı hawa kiñlegendä urtaq patryul, xärbi berleklär öçen hawa yärdäme, taktik hawa desantınıñ küçerelüe, yaralanuçılarnıñ êvakuaśiyası häm yök tapşıru künegüläreneñ ütkärelüe äytelgän belderüdä Belarus' hawa köçläreneñ böten bazaları häm poligonnarı qullanılğan xärbi uyınnarda Belarus hawa saqlanu sistemaları berlegeneñ wazıyfa başqaruı bilgeläp uzıldı.

Rusiyä İlbaşı Vladimir Putin häm Belarus' Däwlät başlığı Aleksandr Lukaşenko üktäbr’ ayında Rusiyä-Belarus' Berlek däwläteneñ çik buylarında kiyırenkelekneñ artuı säbäbe belän ike il xärbi berleklärennän torğan urtaq regional’ köç buldırğan ide.

Belarus saqlanu ministrlığı 6nçı ğıynwarda Rusiyä-Belarus' urtaq regional’ köçeneñ saqlanu wazıyfasına äzer buluın iğ’lan itkän, törle berleklär yärdämendä kiläçäktä urtaq regional’ xärbi küätlärne qamilläşterü êşçänlegeneñ däwam iteläçägen beldergän ide.

Künegülär 1nçe fevral’gä qadär däwam itäçäk.