Awrupa Berlege fälästinlelärneñ qorılmalarınıñ cimerelüenä qarşı

Awrupa Berlegeneñ Fälästin ofisı "İzrailneñ Yordannıñ könbatış üzänlegeneñ C töbägendä Awrupa Berlege finanslawçı proyıktlarnı cimerüe belän bäyle” yazmaça belderü yasadı.

Belderüdä Awrupa Berlege komissiyasınıñ krizis citäkçelegennän cawaplı äğ’zase Yanez Lenarçiçneñ süzläre citkerelde:

"Awrupa Berlege İzrailneñ kilep urnaşu säyäsätenä häm bu cähättän başqarğan xoquqsız ğamällärenä qarata köçle räweştä qarşı töşüen daimi räweştä telgä ala. İzrailgä küp tapqır “C” töbäge belän bergä yaw astındağı Yordannıñ könbatış üzänlege häm Könçığış Qodüstäge fälästinlelärgä qarata xalıqara xoquq qısalarında yöklämälären ütärgä tiyışlege iskärtelde."

Lenarçiç Awrupa Berlege komissiyasınıñ Awrupa Berlege dä aralarında bulğan donorlar tarafınnan finanslanuçı urınnarda konfiskaśiyäläw häm cimerü êşçänlege belän bolardan kilep çıqqan finans yuğaltularnı, matdi zararlarnı küzätep toruına basım yasadı.

Awrupa Berlege räsmi zatı ayıruça Awrupa Berlege tarafınnan finanslanğan häm İzrail tarafınnan konfiskaśiyälängän yäki cimerelgän qorılmalarnıñ kompensaśiyälänelüen yäki qaytarıluın İzraildän küp tapqır taläp itülären iskärtep uzdı.

İzrail basıp alğan Yordannıñ könbatış üzänlegeneñ zur öleşen täşkil itüçe "C" töbägendä Awrupa Berlege illäre finanslağan qorılmalar belän bergä fälästinlelärneñ qayber öylären (yortların) “röxsätsez” buluı säbäbe belän cimerä.