Ugandada êbola êpidemiyäse betkän
Bu xaqta ilneñ sälamätlek saqlaw ministrı xäbär itä

Ugandada sentyabr’dä başlanğan êbola êpidemiyäse betkän.
Bu xaqta ilneñ sälamätlek saqlaw ministrı Djeyn Rut Aseng êpidemiya betü uñayınnan Bötendön’ya sälamätlek saqlaw oyşması belän bergä ütkärelgän tantanada yasağan çığışında citkerde.
Aseng êpidemiyäneñ kontrol’ astına alınuın äytte.
Ministr êpidemiyäneñ niçek başlanğanı älegä bilgele tügellegen, anıñ çığanağın tikşerüneñ cirle häm xalıqara partnyerlar belän ütkärelüen belderde.
Aseng bilgeläp uzğança, 19 nçı sentyabr’dän birle ildä 155 oçraq terkälgän, alarnıñ 143 e raslanğan häm êboladan 55 keşeneñ ğomere özelgän.
Soñğı oçraq kürengännän soñ 42 kön uzğaç, yaña oçraq terkälmaw säbäple, 11 nçe ğıynwar êpidemiya betkän kön itep sanalğan.
Êbola berençe tapqır 1976 nçı yılda Sudannıñ Nzara häm Kongonıñ Yambuku şähärlärendä ber ük waqıtta kilep çığa.
Ul 2013 nçe yılda Könbatış Afrikada tarala.
2014-2017 nçe yıllarda Gvineya, Liberiya häm S’yerra-Leoneda bulğan êpidemiyädä 30 meñ keşe virus belän zararlana häm ul 11 meñnän artıq keşene yaqtı dön’yadan alıp kitä.
Bäyläneşle xäbärlär

"Trampnıñ planı sataşu"
İzrailneñ êlekkege xökümät räise Êxud Barak AQŞ ilbaşınıñ Ğazzä belän bäyler plannarın şärexläde

Braziliyädä su basu fäläkäte
Berençe mäğ'lümatlarğa qarağanda tabiğat' afätlärendä 7 keşe ğomeren yuğaltqan