Su basu häm cir şuışu afätläre 11 keşeneñ ğomeren özgän
Filippinda köçle yawım-töşemnär däwam itä
1931170
Filippinda 2 nçe ğıynwardan birle däwam itkän köçle yañğırlar kiterep çığarğan su basu häm cir şuışu fäläkätlärendä 11 keşe ğomeren yuğaltqan.
Köçle yawım-töşemnär ilneñ törle poçmaqlarında, ayıruça Bikol, Vizayas häm Mindanao ölkälärendä, su basu häm cir şuışularğa kitergän.
Qayber urınnarda su däräcäse 3 metrğa citü säbäple awıllar, yullar häm igen basuları su astında qalğan.
Grajdannar saqlanu bülege mäğ’lümatlarına qarağanda, 11 keşeneñ ğomeren özgän su basular häm cir şuışularda 63 meñ 101 ğailä zıyan kürgän, 815 ğailä öylären taşlap kitärgä mäcbür bulğan.
