2022 - Awrupada iñ êsse 2nçe yıl
Soñğı 8 yıl isä “iñ êsse 8 yıllıq çor” bularaq terkälde
2022 yıl dön’yada bügengä qadär ülçängän iñ êsse 5nçe, Awrupada isä iñ êsse 2nçe yıl buldı.
Awrupa Berlegeneñ Kopernikus Klimat üzgäreşe xezmäte beldergänçä 2022dä şaqtıy qızulıq rekordı quyıldı, parnik gazları konŝentraŝiyase arttı.
Awrupa Berlege mäğlümatlarına kürä 2022 yıl êsselek terkälä başlanğannan birle ülçängän iñ qızu 5nçe yıl buldı.
Soñğı 8 yıl isä “iñ êsse 8 yıllıq çor” bularaq terkälde.
Qızulıq 1850-1900 yıllarğa kürä 1,2 däräcägä artqan.
Awrupa qıytğasında isä 2022 iñ êsse ikençe yıl buldı. Berençe iñ qızu yıl 2020 bulğan ide.
Qalğan töbäklärgä küz salğanda isä ozaq däwam itkän êsse hawa dulqınnarı Paqıstan, Hindıstan häm Qıtayda cäy buyı küzätelde. Paqıstanda soñğı yıllarnıñ iñ zur su basu afäte barlıqqa kilde.
Awstraliya qıytğasında da hawa däräcäse tübän buldı, köçle yawım-töşemnär kürelde.
Fevral’da Antarktika diñgezendäge bozlıq miqdarı 44 yıllıq iyärçen yazmalarına kürä iñ tübän däräcägä töşte.
