Abene üterüçeneñ üz aqılında buluı açıqlandı

Yaponiyädä prokuratura iyül’ ayında aldan äzerlängän höcümdä ğomere özelgän êlekkege xökümät räise Abe Şinzonıñ êşe buyınça yaña qarar çığardı: şöbhäle üterüdä ğayeplänäçäk.

Kyodo agentlığınıñ xäbärendä äytelgänçä, 42 yäş’lek Yamagami Teśuya psixiatriyä tikşerenüe uzğan. Anıñ üz aqılında häm xökem iteläçäk xäldä buluı bilgelänä.  

Prokuratura saq astında totu waqıtı bügen tula torğan Yamagamiğa qarşı üterü häm utlı qorallar qanunın bozuda ğayepläp cinayät’ êşe açaçaq.  

Uzğan iyül’ ayında Nara şähärendä partiyäseneñ saylaw kampaniyäsenä teläktäşlek öçen qatnaşqan ber çarada çığış yasağanda Abenıñ kükrägenä attılar. Ul xastaxanädä can birde.  

Şöbhäle älege höcümdä qullanğan qoralı belän bergä qulğa alındı. Anıñ öyendä dä üze yasağan oxşaş mıltıqlar tabıla.