Koronavirus yanawı betmäde

Bötendön’ya sälamätlek saqlaw oyışması ğomum mödire Tedros Adxanom Gebreyesus koronavirus yanawınıñ däwam itüe turında kisätte. Ul Jenevada uzğan matbuğat cıyılışında, kizü başlanğan 2019nçı yıl belän çağıştırğanda, dön’yada klinik däwalaw idaräse, vakśina häm däwalaw ısulları mäs’äläseneñ yaxşı xäldä buluın söyläde.  

Gebreyesus uzğan yılnıñ küp öleşendä Kovid-19 oçraqlarınıñ töşüen xäterlätte häm, qayber problemalarğa qaramastan, dön’yada vakśinalaştırunıñ artuın äytte.  

“Däwalaw, test häm vakśinağa ireşüdä äle haman zur tigezsezlek bar. Şulay itep, Kovid-19 bügen dä, ğomumän alğanda, sälamätlegebez, iq’tisadlarıbız häm cämğıyät’lärebezgä yanawçı virus bulıp qala. Belgänebezçä, här atna yaqınça 10 meñ keşe Kovid-19 arqasında ülä. Çın sannar, möğayen, tağın da zurraqtır,”-dip söyläde Gebreyesus.

Belgeç, soñğı atnalarda, sulış yulı xastalıqları kiñ taralğan Tön’yaq yarımşarnıñ urtaça klimatlı regionnarında xastaxanägä salınu häm sälamätlek saqlaw sistemasınıñ awırlıqta qaluı turındağı xisaplarnıñ kübäyüen citkerä. Ul moña çik quyu öçen xäterlätü dozaları yasawnıñ kiräkle buluın äytä.  

Bötendön’ya sälamätlek saqlaw oyışması citäkçese Qıtaydağı śirkulyaśiyä arqasında yoqtıru oçraqlarınıñ küp buluın häm barlıq sannarnıñ üzlärenä kilep citmäwen söyli. “Bu mäğ’lümatlar bezneñ oyışma häm dön’ya öçen bik kiräkle. Barlıq illärne anıñ belän urtaqlaşırğa çaqırabız. Mäğ’lümatlar Bötendön’ya sälamätlek saqlaw oyışmasınıñ xälgä qarap tärtiple, tiz häm köçle adımnar yasawı öçen ähämiyätle,”-dide ul.   

Gebreyesus, Qıtay tışında, Omikronnıñ täwge tapqır 2022nçe yılnıñ noyabrendä açıqlanğan subvariantı XBB.1.5neñ AQŞ häm Awrupada da artuın häm xäzerge waqıtta kimendä 25 ildä oçrawın belderde.