İzrail xärbiläre fälästin balasın ütergän

Fälästin sälamätlek saqlaw ministrlığınnan yasalğan yazmaça belderüdä İzrail köçläreneñ Bäytüllahimdäge Dähişä qaçaqlar lagerına tentü oyıştıruı iskärtelep uzıldı.

İzrail xärbiläreneñ tentü waqıtında çın pulya belän kükrägennän atqan 15 yäşendäge Fälästinle Adäm Ayyadnın häläq buluı belderelde.

Şul uq waqıtta Fälästin waqıyğanı gäyıpläde.

Tışqı êşlär ministrlığınnan yasalğan yazmaça belderüdä:

"(İzrail) yaw köçläreneñ Bäytüllahimneñ kön’yağındağı Dähişä qaçaqlar lagerına oyıştırğan varvarlarça tentü waqıtında şähit itkän 15 yäşendäge bala Adäm Ayyadqa qarşı yasağan qotıçqıç üterü cinayäten iñ kisken räweştä gäyıplibez,” – dip äytelde.

Fälästin balasının üterelüeneñ "İzrailneñ xökem itelmiçä üterü tezmäseneñ däwamı häm Fälästinle balalarnı nişan itep aluınıñ “ayırılğısız öleşe" itep tanıtılğan ministrlıq belderüendä:

"Ministrlıq bu cinayättän bozu oçraqları häm bolarnıñ bäreleşlär mäydanındağı çağılışları arqasında tulısınça häm turıdan-turı Binyamin Netanyahu citäkçelegendäge İzrail xökümäten cawaplı tota häm İzrailneñ cäzasız qaluınıñ basıp aluçı däwlätne tağın da kübräk cinayät êşlärgä täşviq itüenä ışana," – dip iskärtelep uzıldı.