Keşe mäyetennän aşlama

Amerika Quşma Ştatlarınıñ N’yu-York ştatı keşe mäyetlären aşlamağa äyländerüne raslağan.

2019 yılda Vaşington moña röxsät birgän berençe AQŞ ştatı bulğan ide.

Aşlamağa äynäderü öçen mäyetlärne ber konteynerda lyuŝerna, ülän häm pıçqı çübe belän bergä yaqınça ber ay totalar.

Mäyetlärne aşlamağa mikroplarnıñ êşçänlege äyländerä.

Mäyetlärne aşlamağa äyländerelgännän soñ cılıtalar häm barlıqqa kilgän tufraq ülgän keşeneñ yaqınnarına birelä.

AQŞta urnaşqan “Recompose” şirkäte beldergänçä bu xezmät näticäsendä tabutta kümü yäisä yandıruğa kürä yaqınça 1 tonnağa äz uglerod bülenep çığa.

Aşlamağa äyländerü tarafdarları şaqtıy şähärdä zirat problemasınıñ buluın häm bu ısulnıñ şulay itep bu mäs’äläne dä çişüen citkerä.

Läkin monıñ êtik problema tudıruın uylawçılar da bar.

N’yu-Yorktağı Katolik yepiskoplar moña qarşı çığa, keşe mäyetlären könküreş qaldıqlar kebek qullanunıñ döres bulmawın äytä alar.

Bu aşlama êşeneñ 7 meñ dollar tiräse çığımın küp dip äytüçelär dä bar.

Recompose isä 2021dä urtaça cirläw bäyäseneñ 7848, yandıru bäyäseneñ 6971 dollar buluın, bu xezmätneñ qıybat bulmawın açıqlıy.

AQŞtan tış älege ısulğa röxsät birüçe berdänber il – Şveŝiya.