Yaña yılnı bäyräm itkändä taptalıp üldelär

Ugandada feyerverk şowı waqıtında êteş-törteş bula

1926244
Yaña yılnı bäyräm itkändä taptalıp üldelär

Ugandanıñ başqalası Kampaladağı ber säwdä üzägendä Yaña yılnı bäyräm itü waqıtında bulğan êteş-törteş näticäsendä kimendä 9 keşeneñ ğomere özelde. Xalıq kibet tışında başlanğan feyerverknı kürü öçen uramğa omtıla. Çığış yulında êteş-törteş barlıqqa kilä. Waqıyğa urınına bik küp poliśiyä häm aşığıç yärdäm törkemnäre cibärelä.    

Wäqalätlelär 5 keşeneñ waqıyğa urınında, 4seneñ isä xastaxanädä can birüen belderä.

Poliśiyä idaräse wäkile Lyuk Ovoyesig’yer waqıyğadan soñ belderü yasadı. “Kampaladağı “Freedom City” säwdä üzägeneñ tışındağı feyerverk şowınnan soñ êteş-törteş buldı häm 5 keşe waqıyğa urınında taptalıp ülde, şaqtıy keşe yaralandı. Aşığıç yärdäm törkemnäre waqıyğa urınına kilde. Yaralılarnı xastaxanägä ilttelär. Üle sanı 9ğa citte,”-dide ul.



Bäyläneşle xäbärlär