İtaliya xökümäte räise Kiyevqa baraçaq

İtaliya xökümäte räise Djordjiya Meloni Ruysiyä belän suğış däwam itüçe Ukrainanıñ başqalası Kiyevqa säfär yasayaçağın belderde.

İtaliyäneñ ANSA agentlığı xäbärenä qarağanda, ildä 25nçe sentyabr’dä uzğan ğomumi saylawlardan soñ 22nçe oktyabr’dä wazıyfasına kereşkän Meloni berençe yıl axırı matbuğat cıyılışın uzdırdı. Anda xökümär räise Ukraina-Rusiyä suğışı başlanğan kön 24nçe fevral’gä qadär Kiyevqa barıp qaytaçağın citkerde. 

Meloni jurnalistlarğa Ukraina däwlät başlığı Volodimir Zelenskiy belän telefonnan söyläşüen xäterlätte häm kiläçägen aña da äytüen belderde. Ul İtaliyäneñ tınıçlıq prośessında garantyer bulırğa äzer ikänen dä söyli. Meloni solıx öçen êşlänüçe här närsäne yaqlayaçağın citkerep: “Tik tınıçlıqnıñ barı anı teläp kenä täêmin itelmäyäçägen beläbez,”-dide. Ul monıñ öçen konkret êşçänlek kiräklegen alğa sörde.   

İtaliyä xökümäte räise solış kileşüe iniśiativasın başlaw öçen Zelenskiynıñ da teläge barlığın äytte. “Tınıçlıq öçen qulıbızdan kilgänneñ barısın êşlärgä kiräk, berkem dä suğışnı yaratmıy häm monda bez urtaq fikerdä,”-dide ul.

Meloni solıx tözegändä Ukrainanıñ bäysezlege häm cir bötenlegenä xörmät kürsäteläçägenä dä basım yasadı.