Aljir ilbaşı: "Franśiyä kolonialist kompleksınnan qotılırğa tiyeş"

Aljir ilbaşı Abdülmäcid Täbbun Franśiyäneñ monnan soñ kolonialist, Aljirnın isä êkspluataśiyälängän il kompleksınnan qotıluı kiräklegen äytte. Ul “Le Figaro” gazetına interv’yu birde. Anda Täbbun ileneñ Franśiyä belän mönäsäbätläre, monnan tış, global’ häm regional’ mäs’älälärgä qağılışlı fikerlären belderde.

“Franśiyä kolonialist kompleksınnan qotılırğa tiyeş. Şulay uq Aljirğa da êkspluataśiyälängän il kompleksınnan qotılırğa kiräk” dip söyläde ilbaşı.  

Täbbun Franśiyäneñ Aljir watandaşlarına qabat viza birä başlawın uñay adım bularaq bäyäläde. Ul franśuzçanıñ ilendä xalıqqa mäcbüri tağılmayaçağın, saylap alunıñ aljirlı ğailälär qulında bulaçağın iskärtte.

İlbaşı qayber êkstremist aljirlılarnıñ Franśiyädäge ğamälläreneñ säbäben belergä kiräklegen assızıqladı. Anıñ äytüençä, êkstremizmnıñ çığanağı Aljir tügel, il Franśiyädän Süriyä şikelle däwlätlärgä kitkän aljirlılar öçen cawap birmi.

Täbbun Franśiyäne Aljirnıñ Saxara çülendä yasağan atom-töş sınawlarınıñ qaldıqların çistartırğa da çaqırdı. Ul Parij idaräseneñ nurlanıştan zarar kürgän aljirlılarnı qayğırtırğa tiyeşlegen äytte.

İlbaşı 2023nçe yılda Franśiyägä räsmi säfär yasayaçağın belderde häm ike il arasındağı bäyläneşlärne qotqaraçaq yaña buyınnı citeşterüneñ däwlät başlığı Êmmanuêl’ Makronnıñ ixtiyarına bäyle buluın assızıqladı.