Su basuda ğomerlären yuğaltqan keşelär sanı arta

Filippinda uzğan atna azağında bulğan su basu häm cir şuışu fäläkätlärendä kim digändä 25 keşeneñ ğomere özelgän, xäbärsez yuğalğan 26 keşene êzläw däwam itä.

Filippin milli bäla – qazalar agentlığı xäbär itkänçä, naçar hawa torışı arqasında ğomerlären yuğaltqan keşelär sanı 17 dän 25 kä artqan häm alarnıñ kübese suğa batıp ülgän.

Agentlıq wäkile Diego Agustin yuğalğan keşelärneñ kübeseneñ balıqçılar buluın, yar buyı qurqınıçsızlığı törkemnäre citäkçelegendä êzlaw êşläreneñ däwam itüen belderä.

İldä 80 meñnän artıq keşe êvakuaśiya üzäklärenä sıyınğan, 300 dän artıq mäydan su astında qalğan, 20 urında cir şuışu bulğan.

Däwlät hawa torışı agentlığı xäbär itüençä, pänceşämbegä qadär üzäk häm kön’yaq töbäklärdä urını belän yañğırlar däwam itäçäk.