Angliyädä êş taşlaw çaraları däwam itä
Ul isä köndälek tormışqa tiskäre yoğıntı yasıy
Angliyädä êş taşlaw çaraları köndälek tormışqa tiskäre yoğıntı yasıy.
Timer yul êşçeläre Raştua aldınnan başlağan êş taşlawnı däwam itälär.
Timer yullardağı êş taşlaw arqasında yöz meñlägän keşeneñ poyezsd säfärlärendä özekleklär buldı.
Ğıynwarda uzaçaq êş taşlaw çaraları arqasında da säyäxätlär özeler dip kötelä.
Pasport kontrole xezmätkärläre dä Yaña yılğa qadär däwam itäçäk zabastovkalar seriyäseneñ ikençesen başlağannar.
Meñgä yaqın däwlät xezmätkäre 28-31 dekabr’dä êş taşlıy.
Şuña kürä küp aêroportlar xezmät kürsätüdä özekleklär kiçerälär.
Êlekke eş taşlawlardağı kebek pasport kontrole xezmätkärlären xärbilär häm êçke êşlär ministrlığı xezmätkärläre alıştırğan.
Angliya külämendä 250 dän artıq maşina yörtü imtixanı xezmätkäre dä 16 nçı ğıynwarğa qadär êş taşlayaçaq.
Däwlät häm säwdä xezmätläre hönärçelär berlege ğomum särqätibe Mark Servotka “ Xökümät beraz aqça sarıf itä başlasa êş taşlaw çaraları tuqtar ide” dip belderä.
Däwlät häm säwdä xezmätläre hönärçelär berlege äğ’zaları bulğan çik saqçıları xökümätneñ xezmät xaqın 2%qa arttıru täq’dimen kire qağıp ,xezmät xaqın 10%qa arttırunı taläp itälär.
