Xerson xalqına gumanitar yärdäm

Kiyevta cıyılğan yärdäm arasında azıq-tölek, cılı kiyem, uyınçıqlar, cılıtqıçlar bar

1923924
Xerson xalqına gumanitar yärdäm

Ukrainada soñğı waqıtta Rusiyä höcümnäre maqsatına äylängän Xerson şähärendäge tınıç xalıqqa başqala Kiyevta gumanitar yärdäm cıyğannar.

Kiyevağı Ğaziz Nikolas soborı yanına irtänge sägät’lärdä kilgän yök maşinası Xerson şähärenä cibäreläçäk gumanitar yärdäm materialları belän tutırılğan.

Xalıq üz mömkinlekläre belän cıyğan yärdämne alıp kilgän.

Alar arasında azıq-tölek, cılı kiyem, uyınçıqlar, cılıtqıçlar bar.

Xersonda yäşäwçelärgä yärdäm maqsatı belän törle illärdän kiterelgän häm çirkäwdä depolanğan generator, êlektrlı cılıtqıç häm qalğan materiallar da maşinağa töyälgän.

Noyabr’ ayında rus berlekläreneñ çigenüennän soñ qabat Ukraina armiyase kontrolenä küçkän Xerson şähäre soñğı waqıtta Rusiyä höcümnäre maqsatına äylände.

Ukrainalı räsmi zatlar soñğı itep 24 dekabr’ könne rus köçläreneñ Xerson şähärenä oyıştırğan höcümdä 10 ğayepsez keşeneñ yaqtı dön’yadan kitüen, 60qa yaqın keşeneñ yaralanuın citkergän ide.



Bäyläneşle xäbärlär