Ğazzädä su basu afäte

İzrail blokadası astındağı Ğazzädä köçle yawım-töşemnärdän soñ uramnar häm öylär su astında.

Ğazzädä kiçä başlanğan yawım-töşemnän soñ Han Yunus häm Deyr el-Beleh belän ber rättän şaqtıy urında su basu fäläkäte barlıqqa kilde.

Su taşqını arqasında töbäk xalqı zur zıyan kürde.

Fälästinle räsmi zatlar İzrailneñ böyä qapqaçların açuınıñ da su basuğa täêsr itüen belderde.

Grajdan saqlanu berämlekläre süzçese Mahmud Basal blokada astındağı töbäktä su basu afätenä qarşı citärle texnik cihazları bulmawına iğtibarnı cälep itep, xalıqara oyışmalardan yañğır suın buşatu öçen kiräk-yaraq belän täêmin itüne taläp itte.

Deyr el-Beleh mêrı Diyab el-Caru isä töbäktä barlıqqa kilgän su basunıñ distälärçä yıl buyı kürelmägän ğadättän tış waqıyğa buluın äytte.

Su basudan täêsirlängän 20 keşe öçen ber mäktäpneñ bilgelänüen citkergän Caru: “Bu waqıyğanıñ töp säbäbe – İzrailneñ böyä qapqaçların açuı belän kilgän zur miqdarda sunıñ monnan alda tözelgän böyä diwarların cimerüe,”- dide.

İzrail 2 millionnan artıq Fälästinle yäşägän Ğazzäne 2006 yıldan birle blokada astında tota.