Lavrov belän Bäyrämovnıñ Mäskäwdäge matbuğat oçraşuı
Rusiyä tışqı êşlär ministrı Sergey Lavrov Ärmänstannıñ Azärbaycan belän cıyılışta qatnaşmaw qararın belderü öçen diplomatik kanallarnı qullanmawın äytte
Lavrov belän Azärbaycan tışqı êşlär ministrı Cäyhun Bäyrämov başqala Mäskäwdäge söyläşülärdän soñ matbuğat oçraşuın oyıştırdı.
Ärmänstannıñ cıyılışta qatnaşmaw qararına kilüen citkerüçe Lavrov: "Ärmänstannıñ cıyılışnı kire qağuın ministrlıqnıñ matbuğat xezmätennän belep aldıq. Diplomatik kanallar qullanılmadı. Bu Ärmänstan tarafınıñ qararı. Ärmänstannıñ cıyılışqa beldergän yul soraw işarätlären uyandıra,” – dide.
Lavrov Ärmänstan ministrınıñ qatnaşuında öç yaqlı cıyılışnı kön tärtibennän çığarmawların häm bu cıyılışnı Mäskäwdä oyıştırırğa äzer buluların belderde.
Laçin koridorındağı wazğıyätkä tuqtalıp uzuçı Lavrov, töbäktä urnaşqan Rusiyä tınıçlıq köçläreneñ bu problemanıñ çişeleşe mäs’äläsendä êşçänlegen däwam itüen belderep: "Transport bäyläneşläreneñ mömkin bulğan iñ qısqa waqıtta yañadan täêmin itelüen häm töbäktäge şaxta yatmaları belän bäyle kileşmäwçänleklärneñ xäl itelüen yaqlıybız,” – dide.
Böten yaqlarnıñ Rusiyä, Azärbaycan häm Ärmänstan liderlarınıñ 2020nçe yılda qabul itkän belderge qısalarında Laçın koridorı belän bäyle yöklämälären ütäwe zarurlığına basım yasawçı Lavrov Azärbaycan häm Ärmänstan arasında nıq häm ğadel tınıçlıq urnaştırılu yaqlı buluların citkerde.
Azärbaycan tışqı êşlär ministrı Bäyrämov ta Ärmänstannıñ Mäskäw cıyılışı aldınnan Azärbaycanğa tınıçlıq kileşüe belän bäyle yaña täq’dim paketın tapşıruın, bu täq’dimnärgä cawap birergä älegä äzer bulmawların äytte.
Bäyrämov, Azärbaycan belän Ärmänistannıñ poziśiyäläreneñ tınıçlıq kileşüe belän bäyle şaqtıy mäs’älädä üzgä buluın belderep, Ärmänstannı yöklämälärenä citdi qararğa çaqırdı.
Laçın koridorındağı wazğıyätkä tuqtalıp uzuçı Bäyrämov Azärbaycan tarafınıñ biredäge transport xäräkäten yabuı turındağı xäbärlärneñ döreslekkä turı kilmäwen äytte.
